ميزانيه متواضعه لاسره مصريه "عمار يا مصر"

بسم الله الرحمن الرحيم

السلام عليكم ورحمه الله وبركاته

بعد التحيه

هذه رساله لا تحميل توقيعا ولكن من محتواها يبدو ان مراسلها مواطن مما يقال عنهم من باب التفخم محدودى الدخل

وايضا ليس بها شى ضد القانون ..فهى لا تحرض على الاضراب او الاعتصام ولا تعكر صفو النظام

وايضا ساكتبها بلغه مهذبه وليس بها تطاولا على احد

ولكن ستكون بيان من مواطن يحب بلده مصر لذا عنوانها

*-*"عمار يا مصر *-*"


قديما قالوا "الجعان يحلم برغيف العيش " ولكن الان اصبح خارج نطاق الخدمه فقد اصبح غايه ما يحلم به الجعان ان يجد مكانا فى طابور العيش ولا يمتد الحلم الى امكانيه الحصول على الرغيف
****************

سنتناول الان بيان لميزانيه متواضعه لاسره مصريه تتكون من 4 افراد

لنبداها معا

*****************

نبدا بالخبز 1- "لو افترضنا ان الاسره تاكل خبزا بجنيه يوميا"اذن 30جنيها شهريا"

ولكن هناك ملحوظه تقول"لازم تلحق دورك فى طابور الفرن وتلحق شغلك فى نفس الوقت وربنا معاك"

2-الحليب "نفترض ان الاسره ستستهلك 120 جنيها شهريا بافتراض انه لتر واحد يوميا لكل افراد الاسره باعتبار ان اللبن اساس للاطفال ومهم للكبار

الملحوظه تقول "يا رب ما يطلعش بدره سيراميك ويكفى العيال!"

3-الفول"نفترض انه 32 ج شهريا بواقع كيلو اسبوعيا حيث ان سعر الكيلو الان 8 جنيها"

الملحوظه تقول"رضا والحمد لله !

4-جبنه بيضاء نقول كيلو اسبوعيا سعره الان 20 ج اى 80ج شهريا

الملحوظه تقول "انتا عايش؟

5-البيض "20ج شهريا على اساس انها عشر بيضات فى الاسبوع

6-الخضار"صنف واحد+كيلو طماطم+ليمونه وحزمه جرجير اسبوعيا "نفترض انها 40ج شهريا

الملحوظه ..........تصمت هنا

7-الفاكهه"نفترض 20ج شهريا كيلو برتقال اسبوعيا

الملحوظه تقول "والموز يرد الضمير الميزانيه"فتقول قشر موز اسبوعيا علشان العيال تفتكر اسمه

8-السكر"كيلو اسبوعيا اى 16ج شهريا بواقع الكيلو ب4ج

9-الشاى "نقول 10ج شهريا

الملحوظه تقول"الكيف يذل"

10-الزيت"لتر اسبوعيا سعره 10ج فيكون 40ج شهريا

11-المكرونه"نقول 4 اكياس اسبوعيا فتكون 32 شهريا

الملحوظه تقول "خلى العيال تنبسط

12-الدجاج"نقول دجاجه واحده اسبوعيا للعائله كلها حيث ان سعرها يصل ل 20ج يصبح المطلوب 80ج شهريا

الملحوظه تقول "طن معقول!"

13-اللحم "كيلو اسبوعيا لزوم الخضار وحزمه الجرجير والليمونه سعره 30ج فيكون شهريا 120ج

والملحوظه تقول "الف هنا!"

14-البقوليات "10ج شهريا"

الملحوظه بتتكلم كتير ده قليل قوى عن سعر السوق

وبعدين يا ست البيت نقى اللى تحبيه براحتك

15التوابل 10ج شهريا

الملحوظه تقول "الخل محسوب من القيمه"

16-الصابون والمساحيق الملابس"15ج شهريا

الملحوظه تقول" موجهه الكلام لست البيت كل اسبوع اغسلى مره واحده "

17-المواصلات"60ج شهريا واقع 2ج يوميا للذهاب والعوده باتوبيس الهيئه"

الملحوظه تقول "تعنيف وبهدله"

18-الحلاقه 10ج شهريا لقص الشعر وشفرات ماكينه الحلاقه

الملحوظه تقول فى مذكره تفسيريه "طبعا لا تنسى انك جبت صابونه للحمام هى هى اللى هتحلق بيها ...ونعيما يا معلم"

19-المدارس"40ج شهريا مصاريف مدرسه والعيال وثمن الكرسات ........الخ

20-الدكتور"30ج شهريا للعلاج

الملحوظه تقول"اشترط انه يكون وصف واحد لافراد الاسره وتحذر من مرض اتنين"

21-التليفون"10متوسط فى الشهر

الملحوظه تقول "بشرط ان يكون استخدام التليفون للرد فقط عشان معدش ينفع كلام"

22-الغاز"5ج شهريا

الملحوظه تقول الله يكون فى عون اللى عنده انابيب لانه سينفق 10ج للانوبه وممكن تتطلع فاضيه"

23-الكهرباء 20ج شهريا لمواكبه التطور

الملحوظه تقول"غساله ملهاش مسحوق ...وثلاجه فاضيه...فرن كهرباء تستخدم مره واحده كل اسبوع ولمبه سهارى فقط!

24-البواب"15ج شهريا

25-القمامه"8ج شهريا"

26-الصيانه "30ج شهريا "

27-الملابس"100ج شهريا للصيفى والشتوى والملابس الداخليه والخارجيه والاحذيه وخلافه

28-ميزانيه الاعياد

الملحوظه تقول " انا سكت كتير وكل سنه وانتوا طيبين عمار يا مصرررررررررررررر

فيرد ويقول وانا سكت

فترد عليه الملحوظه وايجار السكن والصحف اليوميه والكتب

فيرد دانا عدت الالف جنيه وانا مرتبى مش محصل ...................................

وانا بقول "لو كنت شاطر عيش بالف جنيها فى الشهر ..عشان تعرف كيف تكون الملايين"





حيره

دقوا الطار .........دقوا الطار

التجار غلوا الاسعار

والمساله موش هزار

النهارده بخمسه جنيه

بكره بعشره جنيه

حد يقولى ده من ايه

انا والله عقلى احتار